Промоција на PANTHEON во Струмица

13-11-09 10:29

На 28.10.2009 година во Струмица Словенечко-Македонскиот бизнис клуб и локалната самоуправа организираа бизнис-ден чија цел беше продлабочување на економската соработка меѓу Македонија и Словенија. На настанот учествуваа македонски компании кои имаат соработка со реномирани словенски компании.

Компанијата МЕГАСОФТ, која е партнер на Даталаб МК, го промовираше PANTHEON и соработката со ДАТАЛАБ.

На настанот присуствуваа голем број на бизнисмени, словенскиот Амабасадор во Р.Македонија – господинот Алан Брајан Бергант како и градоначалникот на Струмица, господинот Зоран Заев.

Настанот се одржа во трговскиот комплекс “ГЛОБАЛ“. При посетата на штандот на МЕГАСОФТ, струмичкиот градоначалник заедно со гостите од Словенија се интересираа за соработката на ДАТАЛАБ со македонските компании, како и за продуктот PANTHEON кој Даталаб им го нуди на своите крајни корисници преку големата мрежа на партнери која ја сочинуваат реномирани компании од Р.Македонија.