Како до успешно следење на производството?

Производствената индустрија ангажира по правило голем број на работници, кои изведуваат голем број на различни операции. Менаџирањето на тимовите за производство, нормирањето и исплатата на остварениот норматив, решавањето на тесните грла во производството, како и администрирањето на залихите се големи предизвици за овие компании.

Дигиталната трансформација целосно го менува начинот на кој функционира бизнисот и претставува неопходен процес, кој ќе придонесе за зголемување на профитабилноста и продуктивноста на компаниите.

Најчесто компаниите од текстилната индустрија се карактеризираат со:

• Менаџирање на залихите по варијанта (шара, боја ) и следливост на истите во готов производ
• Голем број на финални продукти од една шаржа
• Голем број на вработени вклучени во процесот на производство, при што е неопходно да се знае секој вработен кој учествувал во некоја производствена операција
• Бројот на операции
• Наградувањето на вработените според остварениот норматив е стандард во индустријата

Тргнувајќи од овие позиции, се доаѓа до потребата за користење на деловен систем, кој може производствените процеси да ги дигитализира, администрира, контролира, но и да информира за сите значајни параметри. Тимот на Даталаб во изминатите години, успешно реализираше повеќе проекти во компании кои се во производствената индустрија и се стекна со одлични искуства и референци во оваа индустрија.

Контролниот процес во фабриките од производствената индустрија, овозможува рана детекција на тесните грла, недостаток од суровините или дефинира потреба за ре-терминирање на работните налози согласно состојбите во производството. Контролата овозможува и анализа / споредба помеѓу планираните и реалните трошоци за производство, а со тоа и пресметка на реалниот трошок за производство. Секако, контролниот процес овозможува и следење на вработените и нивното остварување на нормативите, па со тоа и нивно наградување согласно резултатите.

Превземете го видеото од одржаниот онлајн семинар и дознајте како до успешно следење на производствениот процес. Доколку имате дополнителни прашања, слободно побарајте ги нашите консултанти на 02 3079 231 или пишете ни info@datalab.com.mk.